//కడలి//

సముద్రపుజీవిలా నేనూ సునామీల నెదుర్కొన్నాను
ప్రళయంతర్వాత ప్రశాంతతను పొoదలేకున్నాను
బలవంతపు బ్రతుకు చట్రంలో విధి లేక తిరుగుతూ
వేదనతో మిగిలిపోయాను

మానవసంబంధాలు మరుగై
కడలిని చూసే భయంతోనే నా కన్నీటినీ చూస్తున్నట్లు
బందాలన్నీ బందీనీ చేశాయి

దూరాన్ని లెక్కిస్తూ సంబంధాలకు దూరమవుతూ
సమాదానంలేని ప్రశ్నలు
మనసుని అల్లకల్లోలం చేస్తూన్నాయి

ఒక్కోసారి కడలి అందాలు ఆస్వాదిస్తూ
కన్నీటిని కడలిలోనే కలిపేస్తుంటా

ప్రశాంతమైన కెరటమై మనసుకు ఓదార్పు అవుతుందని

సూర్యచంద్రులను అక్కున చేర్చుకున్నట్లు
మనసు బందాలకు దగ్గర అవుతుందేమొనని...!!