నిద్ర కావాలనిపిస్తుంది......

మూసుకున్న కనుల్లోకొచ్చి
మనసు ఒక్కసారి స్వప్నిస్తుంది

వేలు పట్టుకుని నడుస్తూన్ననిన్ను
గట్టిగా హత్తుకుంటుంది

వెలుగు ప్రపంచంలోకి రావనిపించదు
రెప్పలు మూసి అలానే వుండిపోవాలని

కల చెదిరితే కన్నీళ్ళు కనిపిస్తాయని
మాసిన స్వప్నాలు వెక్కిరిస్తాయని

కన్నీటి మడుగుల్లో అడుగులు వేయ్యాలేమోనని
ఆ ఆనవాళ్ళలో నడకలు సాగించాలేమోనని

అందుకేనేమో నిద్ర కావాలనిపిస్తుంది
అపుడైనా నీ సాక్షాత్కారాలు దొరుకుతయేమోనని.....!!