//ఆశ//

తొలి జీవితమంతా
నిను ప్రేమగ నడిపించాలనుకున్న
మలి జీవితమంతా
నువు తోడై నడిచొస్తావనుకున్న
గమ్యం నే చేరేలోగా
నువు గొప్పగ వెలగాలనుకున్నా
నా ఆయువు నీకిచ్చి
చిరునవ్వుతో నిను చూడాలనుకున్నా
నా నవ్వును మరిచాను
నువు గగనంలో కెళ్ళాక
నే శిలగా మారాను
నీ ఊపిరి ఆగాక
ఇంకా ఏదో ఆశతో
బ్రతుకు నడిపిస్తున్నా
మలి కానుకగా
నువు మరలొస్తావనుకుంటూ
నీ చిరునవ్వుల వెలుగు
నే చూడాలనుకుంటూ...!!