॥ మది సంఘర్షణ॥

మది లోతుల్ని తవ్వుకుంటూనే వుంది మనసు
ఎగురుతున్న ఎత్తుల్ని చేరుకోలేక
మధ్యన కలుక్కుమంటున్న ఓ జ్ఞాపకం 
తడి తరగల్ని తుడుచుకోలేక

కన్నీటి సంద్రం చేసిన సందర్భం
చుట్టు ప్రక్కలకి చూపు విదల్చలేక
చిరునవ్వుల పలకరింపులకు
కనులు చెప్పలేని సమాధానం

సందిగ్దమో ,సంసయమో సర్ది చెప్పలేని ప్రశ్నలు
ఎదురోచ్చేఆశలు వెంటాడుతున్న ఆశయాలు
కట్టి పడేస్తున్న మౌన సంఘర్షణలు చేరలేని గమ్యాలు

ఎదురొచ్చే ప్రశ్నార్ధక వదనాలు
మరుపుతో మాయమవుతున్న అంతరంగ దృశ్యాలు
తప్పనిసరి గమనాలు అనాసక్తి అవసరాలు
సాగిపోతూ సమయాలు
చెదిరిపోక వేదన మిగిల్చిన ఆనవాళ్ళు ...!!