....గుర్తొస్తున్నావు...

వెలుగొదలని నీడలా నువు గుర్తొస్తున్నావు||
మనసొదలని జాడలా నువు గుర్తొస్తున్నావు||

మరలరాని లోకానికి తరలి నీ వెళ్ళిపోయావు
అడుగడుగున తలపుల్లో మాటలా నువు గుర్తొస్తున్నావు||

మనసంతా నిండివున్న మౌనంలా నే మారినా
అనుక్షణం స్వప్నంలో తోడులా నువు గుర్తొస్తున్నావు||

వేలుపెట్టి నడిపించిన క్షణాలే నీ జ్ఞాపకమై
మరువలేని గుర్తులుగా శ్వాసలా నువు గుర్తొస్తున్నావు||

ఓడిపోయి పోరాటం గెలుపురుచి నే నెరుగ లేదు
కానరాని నీ రూపం కలలా నువు గుర్తొస్తున్నావు||