॥ కన్నీళ్ళు॥

గర్భస్థ శిసువు నువ్వు
పొట్టలో పాదాల కదలికలు
ఎంత మృదువుగా తన్నావో 
ముద్దాడాలని ఆశ ఎంతో నాకపుడు

ఎన్ని నొప్పులో నువ్వు వెలికి రావడానికి
అప్పుడేగా నువ్వు ప్రపంచాన్ని చూశావు
ఎన్నో సంతోషాలు
నొప్పులే గుర్తు లేనంతగా

అప్పటి మొదలు ఎంత ఓర్పో నాలో
ఆశ్చర్యమే నాకు
గాజుబొమ్మలా నిన్ను కాపాడుతూ
అడుగడుగునా నిన్ను గొప్పగా చూడాలన్న ఆకాంక్షతో

నీ బ్రతుకు కోసం నేను పడ్డ ఆరాటం
నీ ప్రఖ్యాతికి నేను చేసిన ప్రయత్నాలెన్నో
ఒక్కసారిగా కన్నీటి సాగరంలో తోసేశావు

మూడు సంవత్సారాలు
ఎన్ని కన్నీళ్ళు కార్చానో
ఒక్కో కన్నీటి బిందువు ఒక్కో అక్షరమై
ఎన్ని వేదనల భావాలు ఒలికించానో

బాధ్యత పేరుతో బలవంతంగా బ్రతికేస్తూ
సానుభూతి చూపుల్ని ఎదుర్కోలేక
కన్నీళ్ళు తుడుచుకుంటూ
జీవితాన్ని గడపలేక
మనసంతా వేదన నిండినా
చిరునవ్వులు ఒలికకించలేక
చివరి మజిలీ చేరాలని
నీ దరి చేరే తరుణం రావాలని ...!!