|| అద్దం అంతరంగం ||

అమ్మ గోరు ముద్దలు తింటూ
ఆ చందమామను అద్దంలోనే చూశాను
అందివ్వలేని చందమామను 
అమ్మ చూపింది నమ్మకంగా
కడుపు నింపాలనే తాపత్రయంతో
అప్పుడే పరిచయం అద్దం

కిచ కిచ అంటూ ముక్కుతో గుచ్చుకుంటూ
అద్దంలో తన్నుతాను చూసుకుంటూ
మురిసిఫోతుంది పిచ్చుక

కల్మషమే లేదు నన్ను నన్నుగా
నవ్వుల్లో నవ్వుగా కన్నీటిలో కన్నీరుగా
వదనం ప్రకటించే భావాలన్నీ చూపిస్తూ
ప్రపంచానికి నేనేలా ఉన్నా
నా ప్రతిబింబం అందంగానే
నన్ను పలకరిస్తుంది అద్దంలో

ఒంటరితనంలో నాకు నన్నే తోడుగా
నన్ను నేను ఊత్సాహపరచుకునే ఆలంబనగా
అలంకరణలో అందాలను,
లోపాలను చూపిస్తూ
సవరణలకు స్వాగతించే అవకాశం

మనసుకు అందాన్నీ నమ్మకంగ అందిస్తూ
నన్ను నన్నుగా మెరుగు పరచుకునేందుకు
నిజమే చెపుతుంది అద్దం ....!!

...............వాణి , 7 july 15