గాయాల గతాలు గేలి చేస్తుంటే
మనసు మాటై వెలికి రాలేక..
మౌనమే మిగిలింది
నిశబ్దాన్ని హత్తుకున్నాక...!!

భావాల వంతెన నిర్మిస్తున్నా అక్షరాలతో 
అనుభవాల అనుభూతులు పేరుస్తూ ...!!

అక్షరాలే మిణుగురులై
దారి చూపాయి
చీకటి నడకల్లో

మనసు గాయానికి 
లేపనాలద్దాయి
కంటి తడిని తుడుస్తూ...!!

గురుతులెన్నొ మౌనంలో
విప్పలేని పెదవుల్లో

ఆశలెన్నో నిరాశల్లో
గుండె దాచిన గాయాల్లో

జ్ఞాపకాలన్నీ ప్రశ్నలే
బదులులేని సంఘర్షణలే