॥ ప్రశ్న॥

మనసెంతో సంఘర్షించగ
పుట్టాయి భావాలెన్నొ
మౌనంగా అంతర్మధనం 
ఒలికాయి పదాలు ఎన్నో

మూసుకోదు మనోనేత్రం
తడుపుతోంది జ్ఞాపక గాయం
ప్రకటించదు చిరునవ్వసలే
మాటాడదు మౌనం అంతే

చూపులన్నీ ప్రశ్నార్ధకమే
బదులురాని ఆలోచనలే
రెప్పమూతపడనే లేదు
స్వప్నాలని ఎలా చెప్పను?

తగులుతున్న నిశలే అన్నీ
వెలుగు చూపని దిశలే అన్నీ
గెలవలేని జీవన యజ్ఞం
ఓటమే మిగిలెను సాంతం

తలుస్తున్న ప్రశ్నలు ఎన్నో
తొలుస్తున్న ఆలోచనలొ
కలత మనసునొదిలే పోదు
కన్నీటికి విరామం లేదు

తెరిపిలేని బాదే అంతా
తల్లడిల్లి పోతోంది మనసు
అదుపు లేదు కన్నీళ్ళకసలే
ఆపలేని నిస్సాహాయతలే

అక్షరమే ఆశ్రయ మనుకుని
ప్రశాంతమే అనుకున్నాను
అంతర్జాలపు మాయోయెమో
వెక్కిరింతల మయమే అవుతూ...!!

....... వాణి,18 june 15