॥ మౌనం మిగిల్చిన కాలం ॥

వెడలిన కాలంలో వేలాడిన క్షణాలెన్నొ
మౌనం దాచిన పోరాటాలెన్నొ
ఓటమి వేధించిన సందర్భాలెన్నో 
మొలకెత్తని ఆశల విత్తులు
వెలికి తీయలేని నిస్సహాయత

మొలచిన మొలకల్లోనూ
పలుకరిస్తున్న దైన్యాలే
సత్తువ కోల్పోయి ఎదుగుతున్నా
సమస్యల చీకటులే

కొన్ని ఆశయాల కోసం
కష్టంగా చిగుళ్ళని వెలికి తీస్తున్నా
వేర్లలో దాగున్న వెలికి చూపలేని గాయాలెన్నో
కదిలిస్తే కుప్పకూలే కారణాలెన్నో

అడుగుల కంటే ముందే
నల్లని వస్త్రాన్ని కప్పుకుని పరిగెడుతూ
నిరాశల నీడల ప్రయాణం

అభివ్యక్తిలో ఉలికి పాటులెన్నొ
కనిపించక దారులలో తడబాటులెన్నొ

చిరునవ్వు తోడురాకున్నా
చింతను చెరిపేశే
భావాలను తోడుతీసుకుంటూ
గతం గాయాలకి లేపనాలద్దుతూ
ఆనందపు అంకురాలు నాటే క్షణాలకై
వేచిచుస్తూ ... !!

.......... వాణి