॥ అంతర్మధనం ॥

ఏమిటో అర్ధంకాని అంతర్మధనం
ఎందుకో తెలియ కున్నది నైరాశ్యం
దు:ఖం వెలి బుచ్చ లేక దిగులు పడుతూ 
ఆశల్ని నిరాశలు దోచేసినట్టు
గుండెతో గురుతేదో ఘర్షణ పడుతున్నట్లు
లోలోపల మనసంతా లోతుల్ని తవ్వుతోంది

వద్దన్న వినకుండా గాబరా పెడుతూ
కనిపించక ఆత్మేదో ప్రశ్నిస్తూ
స్పర్శించలేక మౌనంగా
మనసుని తడుముతూనే వుంది

మిగిలివున్న కోరికేదో తీరాలని బ్రతిమాలుతూ
ఆ జాలి చూపుకు మనసంత కలచి వేస్తూ
తల్లడింపుతో తడబడుతూ
కొత్తదనం కోసం తపన పడుతూ
మనసు ఆరాట పడుతోంది అక్షరమై ...!

...........వాణి,20 June 15