||చెమరింత చేరువయ్యింది ....||

అక్షరాలు బెట్టు చేస్తున్నాయి
వ్యధను వెలిబుచ్చ లేక

భావాలు మొరాయిస్తున్నాయి
బాధను ప్రకటించ లేక

సిరా నిండు కుంటోంది
కన్నీటిని ప్రోది చెయ్యలేక

మనసు తడి ఆరడం లేదు
మౌన సంఘర్షణ వీడలేక

చెమరింత చేరువయ్యిందిగా
చిరునవ్వు దూరమయ్యిందిక

భారమైనా భరిస్తున్నాననేమో
వద్దన్నావెంటాడుతుంది వేదన

కన్నీరు కౌగిలించు కుందనేమో
బంధాలు దూరముంచాయి....!!