కంటిముందు వేదనలా .....

వెలుగొదలని నీడలా నువ్వు గుర్తొస్తున్నావు
మనసొదలని జాడలా నువ్వు గుర్తొస్తున్నావు

మరల రాని లోకానికి తరలి వెళ్ళిపోయావు
తలపుల్లో మాటలా నువ్వు గుర్తొస్తున్నావు

మనసంతా నిండివున్న మౌనంలా మారినా
స్వప్నంలో తోడులా నువ్వు గుర్తొస్తున్నావు

వేలుపట్టి నడిపించిన క్షణాలే జ్ఞాపకమై
మరువలేని శ్వాసలా నువ్వు గుర్తొస్తున్నావు

మూసివున్న రెప్పలలో కనిపిస్తూ ఉంటావు
కంటి ముందు వేదనలా నువ్వు గుర్తొస్తున్నావు

ఓడిపోయి పోరాటం గెలుపు రుచి ఎరుగ లేదు
కానరాని నీ రూపం కలలా నువ్వు గుర్తొస్తున్నావు

కలమూ కన్నీరొలుకుతు కవనాలే ఆల్లుతోంది
పదాలలో మౌనంలా నువ్వుగుర్తొస్తున్నావు

అమ్మ అన్న నీ పిలుపులు ఆలాపనలోనేగా
ఆరాటపు ఉలుకులా నువ్వుగుర్తొస్తున్నావు

....వాణి