॥ బ్రతుకు పోరాటం ॥

నిర్లిప్తతను జోడిస్తూనే రాని చిరునవ్వును చెక్కిలి కంటిస్తూ
జీవితం ముగింపు దశలో వున్నా
బ్రతుకు మీద ఆశ పడుతూనే 
తల త్రిప్పీ కంటి తడిని తుడుచుకుంటూ
తల్లడిల్లే తన బంధాలను చూడలేని నిస్సహాయత
కనిపించని గాయమే, కృంగదీస్తూ తనువునంతా
సామాన్యులు గెలవలేని మాయదారి రోగమే
ఎదురుచూచే దాత కోసం వేచివుండి బ్రతుకుకోసం
నిత్యం దర్శించే దేవాలయమే ఆసుపత్రి
వైద్యుడిని దేవుడిగా కొలవాల్సిందే
ఫీజుల సంభావన సమర్పించాల్సిందే
చిరునవ్వైనా చిత్కారమైన
బ్రతుకుదాతగా దయచూపమని మోక్కాల్సిందే
కార్పొరేట్ ఆసుపత్రుల ఖజానా నింపీ దరిద్రుడుగా
గుండె నిండా కంటి తడులు దాచుకుంటు
రక్తశుద్దికి శరీరం సహకరించక
నిత్యం సూదులతో సావాసం
యంత్రాల మధ్య బ్రతుకుతో సంగ్రామం
ధనానికి ,దానానికి మధ్య జీవన పోరాటం
కొన్ని అక్షరాలు వారి కోసం కన్నీళ్ళు కారుస్తూ ....!!

.....వాణి ,23 May 15