|| నిర్లిప్తత ||

వెన్నెల వర్షమై కురుస్తున్నా
వేదన వానలో నడుస్తున్నా

చుట్టూ కాంతులు పరిచి వున్నా
మౌనపు చీకటిని మింగుతున్నా

ఎదమీటు రాగాలెదురౌతున్న
మది ఘాతము మాన్ప లేకున్నా

మనసు ఒలికించే నీళ్ళన్నీ
ఆనకట్టలకు ఆగని ప్రవాహాలే

గాయపు గుర్తులు చెరగవులే
మది మాటున మచ్చలై మెరుస్తూ

తడి ఆరని తలపులే నిండుగా
వదనం ఎడారిని తలపిస్తూ

మనసుకైన గాయాలెన్నో
కన్నీటి కడలిలో కొట్టుకుపోయే భావాలెన్నో !!

....వాణి, 20 may 15