!! కాంతి కావాలనిపిస్తూ.....!!

జ్ఞాపకాల పుటలు విచ్చుకుంటున్నాయి
గమనాలను బంధిస్తూ

నిట్టూర్పుల నవ్వులలో గుర్తులోలుకుతున్నాయి
కాలాన్ని భారంగా మోస్తూ

ప్రశ్నార్ధక వందనంలో
జవాబు దొరకడం లేదు

చీకటి చిక్కుముడి విప్పలేక
వెన్నెల చుక్కలకై వేటాడుతున్నా

నిశల నిధులను కప్పెట్ట లేక
చెకుముకి రాళ్ళ కై వెతుక్కుంటున్నా

తిమిరాలలో తడిసిపొతూ
కాంతి కిరణాలకై తపిస్తున్నా

శోధనలో
సాధనకై
స్పష్టత సంక్లిష్టమై
సాగిపోతున్నాయి సమయాలు
సవరణలు స్వాగతిస్తూ ...!!