నిస్పృహ......................

తడుముకుంటూనే వున్నా అనుక్షణ౦ పోత్తిలిని
అంకురమై మళ్ళీ ఎదుగుతున్నావేమోనని

ఆశ పడుతూనే వున్నా
తల్లడిల్లే మనసుకు తోడ్పాటువై
తరలోస్తావేమోనని

సాగిపోతున్నాయి నీ జన్మ దినాలు
పెరిగే నీ వయసును గుర్తుచేస్తూ
కృంగ దీస్తున్నాయి సంవత్సరాలు
నీ ఎడబాటును లెక్కిస్తూ

ఆత్మస్ధైర్యం నీ అంతిమ ప్రయాణానికి అంకితమై
కునికిపాట్లు కుంగుబాట్లలో కలసిపోయి
తప్పడం లేదు బాధ్యతల పయనం
తడబాటుల కన్నీటి గమనం
యాంత్రికమైన జీవితం.....!!