|| కన్నీటి చుక్కగా మిగిలిపొతూ …….||

ప్రపంచానికి కనిపించని కన్నీళ్ళు
ఆత్మీయత కోల్పోయిన దు:ఖాలూ
భారం దింపుకోలేని అలసినగుండె 
బరువుగా నడిచే కాలం
తీరం చేరని అశ్రువులు
తిరిగి రాలేక చిరునవ్వులు
వేదన విసిరెయ్యలేక
వేడుకను ఆస్వాదించలేక
మొహమాటపు మందహాసాలు
చూపుల తిరస్కారాలు
జ్ఞాపకాల చరిత్రను తవ్వి
వెక్కిరిస్తుంటాయి
ఎదురునిలిచిన సందర్భాల్లో
మమతను అందుకోలేని ఆరాటంలో
కన్నీటి చుక్కగానే మిగిలిపొతూ
ప్రశ్నార్ధక పయనంలో........!!

......వాణి ,5 sep 15